Caroline-Grace

Caroline-Grace neem ‘n selfie saam met klein Iza Grace. Foto verskaf

Ons hou vas aan God se belofte in Sagaria 2:5, het sangeres Caroline-Grace net na die geboorte van haar en Heinrich Brüssow se tweede baba op Instagram laat hoor.

“Die Here sê: Ek sal ’n muur van vuur rondom die stad wees, my magtige teenwoordigheid sal binne-in hom wees,” lui dié Bybelvers.

Caroline-Grace, wat op die voorblad van LiG se gedrukte tydskrif in die Desember/Januarie 2021-uitgawe verskyn het, se gebed vir hulle “volmaakte geskenk” is: “Dat die Here haar anker en haar lig sal wees. Dat sy die Here sal ken in als wat sy doen. Dat sy sal weet dat haar identiteit in Christus lê en nie in dit wat ander mense van haar sê nie. Dat sy altyd vreugde sal vind in die klein dingetjies.”

LEES OOK: Lindie: ‘Ons groot skuif net nog ’n tree agter Jesus aan’

Klein Iza, wat volgens haar ma “God is oorvloed, God is my eed” beteken, het sowat ’n week vroeër haar opwagting gemaak en is die Brüssow-egpaar se eerste dogtertjie.

Caroline-Grace en Heinrich Brussow

Vir dié bekende rugbyspeler en sangeres is hulle eerste dogtertjie die “volmaakte geskenk”. Foto verskaf

Facebooktwitterredditpinterestlinkedinmail

Leave a Reply

Your email address will not be published. Required fields are marked *