KYK: Jaco Strydom sê Jesus-volgelinge sien kans vir pyn

23 Maart 2021


DEUR FRANCINE PRINS

Die kruks van Jesus se boodskap is eintlik dat Jesus-volgelinge vir pyn moet kans sien, vertel Jaco Strydom, predikant, skrywer en baanbreker-evangelis.

Jy kan die boek hier aankoop.

Jaco se jongste boek Leef lig het ontstaan nadat hy besef het Jesus het in die evangelies meer gepraat oor hóé om te leef as oor hoe ons moet glo.

Inteendeel, Jesus het ons vrééslik uitgedaag om om te gee en lief te hê juis wanneer dit moeilik is, sê Jaco.

Hy vertel van vyf gewoontes wat die vroeë Christelike kerk gehad het. In die boek vervat hy sy eie ervaring as leier van die Echo-gemeenskap en sy persoonlike reis met God, om ’n boek te bring waarvan ’n mens amper elke sin wil onderstreep.

LEES OOK: Ontgin geloofsgewoontes van die vroeë kerk deur skrywer se lens

Die boek is op ’n lekker geselstrant geskryf, maar dit tref jou telkens só hard dat dit jou uit jou gemaksone stamp. Die eenvoudige konsepte, belig met wonderlike aanhalings en stories, bly jou by. Dit daag jou uit en motiveer jou om uiteindelik saam met Jaco te sê: “Kom ek doen tog net iets.”

Jaco se hoop is dat gelowiges anders begin leef, en dinge anders doen. Dat ons aksies naderhand gewoontes raak wat ons help om geestelik te groei, ’n verskil te maak en die lewe van oorvloed beleef waarvan Jesus praat, sê Jaco.

- Advertensie -spot_img
LEES OOK ....

‘Destyds sou ek sê: Begrawe my ook! Maar nou weet ek God wil hê ek moet lééf,’ sê Wilmien ná Kalahari-brand

DEUR CONETTE LE ROUX “As iemand twee jaar gelede vir my gesê het dís wat gaan gebeur, dan het ek...

SOORTGELYKE STORIES

- Advertisement -spot_img