KYK: ’n Groep Kaapse huisgesinne kook vir hongeres

16 Maart 2021


“Somtyds kom ons elfuur in die aand by ’n huis waar ’n ma en sewe kinders sit en wag en vertrou het dat ons vir hulle kos gaan bring.”

 

Dis súlke gevalle, vertel in die woorde van Beverley Chonco wat ’n voedingskema in Mitchells Plain bestuur, wat Jeanette van Vuuren aangemoedig het om te begin kos maak.

LEES OOK: ’n Baba ná agt jaar – en ’n nuwe beproewing

“En ek hou nie eens van kosmaak nie,” lag Jeanette, ’n rekenmeester van die Tygervallei-omgewing in Kaapstad se noordelike voorstede, wanneer sy vertel hoe sy begin “wortels rasper, uie opsny en sop maak” het.

Jeanette en haar man het tydens inperking in 2020 vir Beverley ontmoet en besef hoeveel hongersnood daar om hulle is.

Beverley en haar man Joshua bedryf Arise Shine Africa vanuit hulle huis in Mitchells Plain. Behalwe om kos vir behoeftiges te verskaf, streef hulle daarna om die behoeftiges in hulle omgewing te help om later op hulle eie voete te staan. Foto verskaf

“Ek het besef dis maklik om in ons huis te sit waar dit knus en warm is en waar ons koskaste vol is. Maar dis nóú die tyd om uitwaarts te begin leef,” vertel Jeanette.

LEES OOK: Kangaroe-mammas – ’n roeping

Sedertdien kook sy en ses ander gesinne een maal per week kos. Beverley se man kom haal dan dié kos elke Maandag sodat hulle die kos in hulle behoeftige gemeenskap kan begin uitdeel.

“Maar,” sê Jeanette, “ons kort nog hande.” Volgens Jeanette is daar nie net ’n behoefte aan sop nie, maar énige kos wat iemand bereid is om te maak.

Sedert 2020 se inperkingsmaatreëls het die behoefte aan kos baie toegeneem in haar omgewing, vertel Beverley van Rise Shine Africa. Foto verskaf

“Ons het onlangs saam Mitchells Plain toe gegaan om die kos uit te deel en dit was ongelooflik om te sien watter verskil ons help maak het.”

Beverley vertel sy het jare gelede vir God gevra wat Hy wil hê sy in haar gemeenskap moet doen. Só het sy Arise Shine Africa, die voedingskema, begin.

Omdat die behoefte aan kos tydens die pandemie soveel in haar gemeenskap toegeneem het, was sy aanvanklik bekommerd. “Maar toe was dit maklik, want daar was en is soveel mense wat ons hande omhoog hou,” vertel Beverley.

  • Kontak Jeanette van Vuuren by 082 303 8588 indien jy wil help kook of op ’n manier betrokke wil raak.

Facebooktwitterredditpinterestlinkedinmail

- Advertensie -spot_img
LEES OOK ....

‘As surrogaatma wys ek níks is vir God onmoontlik nie’

DEUR CONETTE LE ROUX “Ek is dankbaar vir die ouers wat mý gekies het om die surrogaatma vir hulle baba...

SOORTGELYKE STORIES

- Advertisement -spot_img