Tuesday, June 22, 2021

Pediater met breingewas skryf kinderboek vir sy kleuter voor hy sterf

Eers was daar die hoofpyne, toe die diagnose: ’n kwaadaardige breingewas. Maar hoewel Aria Nikjooy se lewensverhaal ’n hartseer einde het, is daar ’n ongewoon roerende kinkel.

Hierdie 30-jarige pa, wat self voor sy dood as pediater gewerk het, het die moeilike onderwerp van ’n ouer met ’n terminale siekte aan sy seuntjie deur middel van ’n kinderboek verduidelik.

Dit was tydens chemoterapie wat dié jong pa van die 3-jarige Eliyas in 2019 Eddie and the magic healing stone geskryf het.

Aria Nikjooy en sy seuntjie Eliyas.

Die boek vertel die storie van Eddie die dinosourus en Larry die leeu terwyl die konsep van ’n baie siek ouer aangeraak word.

Aria, van Manchester in Engeland, se verhaal het talle publikasies wêreldwyd aangeraak, met stories daaroor in Huisgenoot en die Manchester Evening News.

Ten spyte daarvan dat Aria se breingewas verwyder is, het die kanker weer teruggekeer en het hy sy moedige stryd op 8 Februarie 2021 verloor.

Nog ’n kinderboek wat ’n ernstige onderwerp aan kinders verduidelik is Die klip in Lisa se borskas.

Skrywer Siegfried Louw, predikant en spelterapeut, nooi kinders (oud en jonk) om oor verlies te dink en daaroor te praat.

Klik op die voorblad hieronder om Die klip in Lisa se borskas te bestel.

Facebooktwitterredditpinterestlinkedinmail

- Advertisement -spot_img
LEES OOK ....

‘Vader, vergewe my verkragters; hul het nie geweet wat hul doen nie …’

Amanda Labuschagne (43) van Reitz in die Vrystaat is ’n diep gelowige vrou. Sy dra swaar aan die trauma...

SOORTGELYKE STORIES

- Advertisement -spot_img